大埔超級城C區1樓536舖
有日返工出係做野, 咁岩見到呢間野
1:30 PM客人唔多, 以大埔超級城黎講真係好奇怪
出於冒險精神, 所以要試下
招牌吉列豬扒飯$27, 飲品 +$4, 飲品+沙律 +$6
差2蚊有個沙律, 唔沙諗啦 (雖然份量真係好少)
33蚊連沙律+飲品, 真係大+樂都做唔到呀
雖然好似大家樂個格局, 買飛等野食
但有員工羅去你個位
二十幾, 三十蚊一個餐仲有有限度SERVICE, 仲要係大埔超級城
個飯有咩缺點都可以接受啦, 下話
講番個咖喱汁, 比較普通, 味道唔濃
雖然係日式咖喱, 但又無甜味
咖喱汁入面有肉碎
雖然咖喱汁有半碟咁多, 但撈埋飯同豬扒係唔夠既
聽聞可以加汁, 但我第一次去當然唔知
仲可以加辣, 不過因為呢排燥熱, 無試到, 下次一定要試
飯粒係珍珠米, 唔錯
吉列豬扒厚度適中, 因為即叫即整, 熱辣辣, 非常之正!!
沙律係好細杯, 上面有千島醬, 仲要好多下....下次去要叫佢走醬, 因為最肥係D 醬
唔算十分好味, 但絕對比大+樂之流高幾班
呢餐以價錢味道服務比, 我俾佢8.5分
值得再試
沒有留言:
發佈留言