2013年8月23日星期五

匠 Mazter - 絕望篇

大約二年半前寫左一篇讚佢既食評
相隔半年, 質素下跌, 寫左一篇超失望再戰編
呢排又再會一會佢, 期望佢會改過
當然, 一睇標題大家已經知道我咩感想啦



日式咖豬扒飯
揀佢因應覺得就算唔好食, 應該都好難整到好難食既
一杯金桔水(?) + 飯 = $44




 我估唔到 $44竟然仲差過大+樂
 
揀金桔水(?)係因為只有佢先唔洗加錢
你要可樂都要加錢, 唔記得$3定$4

咁細杯? 算
嘩, 除左甜味外, 無其他味既不知名糖水



嘩, 經典......
D 汁少到係用湯匙係"匹 "唔起架....
孤寒到核爆....!!! 明明係平價即食咖哩都要咁慳家? 唔係化?

豬扒薄到呢......
大+樂都厚你少少
而且明顯份豬扒唔新鮮, 佢地落左勁多調味料掩飾
又乾又硬
只係食到調味料, 肉味係完全無LOR
宜家差左好多既銀咖哩都可以完勝呢個咖哩飯
我真係要封佢為地雷王!!!!!

睇黎食店一旦質素下降就不能逆轉了
期望佢地隔一排會轉好真係痴心妄想

沒有留言:

發佈留言