白銀之意志 第1集~3集

本來對佢有所期望
第一集上半睇落亦唔差
不過下半集急轉直下

故事簡單
兩國戰爭, 一方 因戈爾米亞 進攻, 一方 大阿蘭達斯 防守
主角係大阿蘭達斯, 由一堆自大軍方高層領導
基本上個勢好極有限
還好, 主角獨立第八部隊有個精明 左文字隊長

撒退期間發現左一間被敵軍追殺既運輸車
隊長決定唔理, 因為可能自軍會被波及
但男豬(以後我都會叫佢男豬)無視命令, 一條友衝入敵軍
WELL, 打唔贏不特止, 仲俾人秒殺

當然運輸車上一定有好野, 又一定無駕駛員架啦
咁男豬咪坐上去成功打低敵軍

第2集
唔知講乜好, 成大半集講男豬點控制架Argevollen
男豬完全控制唔到, 行步路都好艱難
直到最尾敵軍追上黎先覺醒

但好型咁打左一架敵機後就收皮
要著草走人
最後靠隊友幫先打得羸, 唉...

第3集
獨立第八部隊 收到命令
死守基地直至友軍全部撒退

男豬收到命令係基地入面射擊, 唔準出去
不過, 男豬見到友軍走唔甩當然會衝上去啦

之後一位疑似男豬宿敵既人登場
男豬當然係俾人玩弄一番
好彩左文字引爆道路上既石,男豬趁機逃走

========================================================


兩個字, 垃圾
第1集由見到架車已經諗到係用黎運新機, 而果邊一定俾敵人追到
主角一定要救人
咁岩又一定無駕駛員, 要主角駕駛
Argevollen一次登入後就得男豬可以用
咁皇道既劇情係今時今日仲夠膽羅出黎
究竟佢地諗緊乜?

男豬成日無視命令死衝
如果你係平民被迫上戰場, 咩都唔識都可以原諒
大佬你係軍人黎架, 唔顧大局死衝
成日要隊友幫你善後, 有無搞錯?
男豬本身又無技術無腦, 初頭用量產機連行路都行唔好
俾人話幾句就鬧番人轉頭(人地仲要係講事實), 你係小學雞黎架

部機又係奇怪, 同其他機完全唔match
好似跑錯片場咁