日本關西之旅2014 - Day 4 京都東福寺, 稻荷伏見, 啾啾燒肉

一早就去左JR京都站WEST ZONE
去10樓拉面小路

博多一幸舍
叉燒豬骨拉面, 賣1100羊

豬骨湯味好濃郁, 可惜面條比較普通
叉燒大大片, 薄片但好好食

溏心蛋一般啦, 有點兒過熟, 蛋黃醬好少

之後搭JR去東福寺步行10幾分鐘就到

買票入場

紅葉都寺都幾多, 不過東福寺比我想像中細

 來一幅全景相

不過右邊有棵樹阻住, 影出黎怪怪地

行左2轉, 一個鐘頭就完 

之後搭京阪去稻荷伏見

稻荷伏見就比東福寺大得多啦

行左一個半鐘(來回), 但我只去到山腰

要去山頂我諗要2個半鐘吧(來回) 

800羊一塊板認真貴....當然我無買啦

 一路上就係鳥居 -> 鳥居 -> 鳥居 -> 鳥居

間中有D 廟咁樣, 之後又係鳥居 -> 鳥居....

因為今日狀態唔好, 加上朋友行過山頂話無咩睇
所以去山腰就折返

啾啾燒肉
因為小氣少年有介紹, 朋友食過, 好多BLOG都話唔錯就試下
食3218羊個SET, 最平果個SET無DRINK BAR, 甜品BAR, 其實仲唔抵

用TOUCHMON落單
俾你揀既都唔洗另外收錢, 要另外收錢既都會再標明價錢
食100分鐘, 剩番20分鐘就唔可以再落單
個MON會顯示你仲有幾多時間
 

 落單後食物好快就送到

食左好多野
唔知係我果日唔好彩定真係質素下降
我覺得真係麻麻, 好多肉燒完連咬都咬唔開
更加唔好提好唔好食了
肉大部份都無黎味道
不過都有好食既, 薄切牛肉, 牛油粟米(放上爐上令牛油溶化), 沙律, 牛舌

其實我要求都唔高者, 因為我連大家樂打邊爐都覺得OK
雖則佢價錢真係唔算貴
但同樣價錢係日本其實都食到好多好野了
除非下次有朋友陪我而又想食燒肉, 唔係既話我以後都唔會黎了

雖則係咁, 但我都填飽哂個肚先走
食完返酒店到訓覺都係好飽滯