日本關西之旅2014 - Day 7 大阪今昔館, 通天閣, 神座拉麵

今日都係大阪活動, 時間充裕
所以十一點幾先出去
去左難波搵食

係好多野食, 不過都係覺得無咩特別又貴
最後買左個包食就算

之後就去大阪今昔館, 入場費600羊



入面有一條仿古代街道
仲有一個地方可以租和服等服裝

有好多唔同既店舖

住宅

大部份屋都可以入去, 只不過要除鞋先

假狗

大戶人家住宅

普通住宅



今昔館會有景色變化
非常有趣

轉眼間又變番早上

睇完仿古街, 落一層仲有野睇
一落樓梯就見到課室
每張桌子都放左唔同科目既書

之後去既展覽廳就有好多街道模型

模型做得好仔細

仲有好多舊時代實物

依個係一個移動模型
隨住講解進行, 模型會由右至左移動, 好得意

睇完依個模型就離開今昔館了
大概逗留左一個半小時

之後就去通天閣
要落地下一層後買票, 之後搭升降機黎到上面地方
係一個模仿火車廂既走廊

入面真係商業味濃郁, 老實講真係OVER左

其實個搭週圍都無咩特色, 都唔知影乜好

又一堆商品

 個模型同今昔館果個差不多

唉.....睇到厭...

最後離開時一影, 留左大概一個小時左右
之後去左搵食

最後去左食神座拉麵
飯團+餃子+拉麵, 賣880羊, 抵到爛

上年係京都食過醬油拉麵我唔鍾意, 仲諗住自己唔鍾意食醬油拉麵
原來唔係咁, 神座醬油拉麵我就覺得好正
餃子大大隻, 絕對唔係交行貨, 非常香脆多肉汁
飯團大大件亦非常好食

神座拉麵真係非常抵食夾大件之選

返酒店又忍唔住買甜品
朱古力雪條(1XX羊)+巨鋒提子(4XX羊)
第一次食巨鋒提子, 真係好鬼甜