http://karuizawa-kankokyokai.jp/
選中文繁體, 找一找 輕井澤旅遊指南
裡面有份 輕井澤區域嚮導·路線地圖 (有繁體中文)
建議大家PRINT出黎用
個地圖包含左散步, 行山, 單車路線, 適合唔同人仕
如果有買PASS既, 當然要去JR預先預約來回座位
搭 新幹線あさま(長野行)
東京站先有得搭, 車程大約1小時20分鐘吧
新幹線單程5910日元, 來回11820日元
所以點樣都係要買JR東京廣域周遊券, 10000日元, 可以用3日
http://www.jreast.co.jp/tc/tokyowidepass/index.html
第一次搭新幹車廂座位好舒服, 前面有足夠空間俾人起身
每一行左邊係2座位, 右邊係3座位
行車時好寧靜, 宜家好穩定 (仲穩定過香港地鐵)
如果唔望出面風景, 你唔會覺得係坐緊一架高速列車, 勁呀
個站本身好細下, 無咩行
得一間便利店, JR服務站, 一間賣手信鋪
跟住條建議路線行, 經過矢崎公園個大湖
有人話之前有條好靚既木橋係湖中間, 不過好似後來拆了
唔知真假, 反正我當日見唔到有木橋
湖中都有魚, 有鴨
雖然當時都係夏天, 不過都就快到冬天了
落葉開始多了
行呀行呀
仲有唔少住房
不過D人用黎渡假定長住就唔知了
如果唔係有路, 有住屋
感覺真係好似入左咁森林咁
不得不提, 沿途見到既人唔超過5個 , 而且都係居民
好似我咁既散步人仕真係一個都無
當日係平日, 唔知假日會唔會多D 人
如果有事發生都幾麻煩
好似我咁一丁友會叫天不應叫地不聞
加上果日有雨路面有D 濕滑, 好彩最後無事發生
聖保羅教堂
教堂唔太大, 當日教堂內無人
係外面旅遊影相既人就有幾個既
散步用左1個半小時左右
之後去左 Church Street, 一個中型商場吧
本來想去食D 野, 不過真係無咩岩食
入面D 野又唔岩睇
不過行左一陣就落大雨
離我搭新幹線返東京仲有2個鐘, 所以轉去OUTLET行下
上圖見到, 全部地方都有得擋雨, 所以落雨都可以放心慢慢HEA
OUTLET非常之大, 我仲差D 搵唔到返去JR站既路
裡面有好多食店, 如果舊輕井澤銀座無野岩食都可以黎OUTLET搵食
手信店, 眼鏡店, 時裝店等等數之不盡
下午4點左右搭新幹線返東京站
所以都廢事週圍走
返新宿站食だし茶漬けえん 茶漬飯做晚飯
不過食完唔夠飽, 又走去超市買野食
個和風蔬菜杯麵只有菜無肉既, 不過個湯汁唔岩我口味
房入面有微波爐叮一叮, 餃子叮完幾香
不過味道就一般啦, 始終係超市貨
好似香港阿波羅既MONAKA
不過呢個有朱古力粒係入面, 朱古力雪糕亦好食好多
沒有留言:
發佈留言