今日會轉酒店, 所以係Hotel Hillrays最後一次早餐
今次選西式
除左滑蛋係好食外, 其餘都一般
之後會入住Hotel T'Point
早上過黎放低行李, 去完萬博公園先會返黎CHECK IN
搭地鐵去江坂站, 再轉搭北大阪急行線去千里中央
其實寫就係咁寫, 但其實係同一班列車, 唔需要落車
因為江坂至千里中央站由大阪市地鐵與北大阪急行電鐵共同使用
即係咁: 大阪市地鐵 ←《江坂》→ 北大阪急行線
注意1: 不是每一班車都會到千里中央
注意2: 因為公司唔同關係, 大阪地鐵一日券使用範圍唔包千里中央站
千里中央出去後步行幾分鐘到 大阪モノレール(門真市行)單軌列車 搭去 萬博
見到萬博公園最有代表性既建築了
入場費只要250日元
裡面仲有幾個展館要另外收費
其實萬博公園已經超大, 唔去幾個館都足以花你大半日了
一入去已經見到好多唔同顏色花
太陽之塔
由已故日本知名藝術師岡本太郎設計
高70米, 手長25米
非常大
塔頂
估唔到我部CANON無反18-55MM鏡都影到咁高既地方
背面
當日有個地方有跳蚤市場
不過要收入場費就唔去了, 因為外面望落去都無咩岩買
公園每部份都有唔同既植物
仲有好多大草原
好多一家大細黎到野餐, 玩樂
觀光小火車
水池入面好多魚
咁岩買左個PIZZA諗住做LUNCH, 分左少部份俾D 魚
所以池邊先會聚左咁多魚
未落PIZZA前, 池邊係無咩魚的, 哈哈
本來想分D 俾最下圖隻龜, 不過拋左幾次都拋唔到....
有小童遊樂設施, 不過好似得一處地方有
感覺上只係一堆雜草
西大路廣場
估唔到1970年開果時有香港館
不過1970年完左展覽就已經拆哂了
又一個水池, 又係好多魚
如圖所見, 水池好鬼污糟
砂之廣場
又係日久失收既設備, 見到都唔想上去
玩左半日左右就離開了
其實好多地方都日久失收, 非常殘舊
不過如果純欣賞植物, 或一家大細享受天輪樂
萬博紀念公園都值得一去
離開萬博紀念公園後去左睇鴨仔
前日朋友Whatsapp同我講先知道咁岩果期黃色大鴨去左大阪 中之島
所以搭地鐵去見下
果日參觀既人好少, 同香港果次比真係天壤之別
紀念品就免了
終於返左Hotel T'Point
房價97XX日元一日, 21平方單人房, 包早餐
以地段, 房間大小真係超值
全部東西每日都會FILL
小食包, 咖啡(有糖漿, 奶), 先古力飲品, 茶, 梅茶(湯?), 一支水
杯都有3個
一個人都唔知飲得邊樣, 哈哈
不過其實每樣野飲都一般, ,不過送既無乜好怨
雪櫃好多野, 阻住哂D 位........
網頁話免費飲品, 但係我唔知包唔包雪櫃既飲品
不過裡面大部份都係酒, 其實我都無咩興趣
房間全景圖 (按圖放大)
21平方應該好大, 但入到去又唔覺好大
就咁睇好似唔錯
但睇真D...
其實好多方都日久失收
個天花真係完全唔想望上去
因為食早餐關係比我以前果幾次旅行都早起身
所以都早D 返酒店
之後去左電電城JUNGLE買野, 有新品, 有二手野
大阪呢間好多玩具比香港平, 可惜行李應該放唔落, 所以先至會買4盒
如果仲有位應該會買多2, 3盒玩具
因為總數過左1萬800日元, 店員提醒可以退稅, NICE !!!
其實唔係度度都可以退稅, 就算 Mandarake 都無退稅服務架
交PASSPORT俾職員, 佢會幫你填退稅表, 等佢填完就OK
最後去左附近既GOURMET CITY超市買野返酒店食
又一日
沒有留言:
發佈留言