2017年6月7日星期三

三養芝士辣雞炒麵


上次食左三養辣雞炒麵
我就話俾自己知, 食1次就夠啦

不過早排係超市見到三養芝士辣雞炒麵
又忍唔住買左返黎
因為無特價要$10.X, 貴過759好多, 但759又無賣佢 

我覺得加左芝士應該唔會咁辣既




一包芝士粉, 一包辣醬
今次我落半包辣醬, 頂得順先落埋剩低果半包


今次準備左牛奶


撈完芝士粉, 辣醬後
D 芝士粉就消失了, 因為已經溶哂入麵條

第一啖同之前一樣, 好味, 唔覺太辣
之後食多啖就.....嗚呀......
都係好辣喎
好彩今次只係落左半包辣醬

之前日本大胃王 木下 條片明明話加左芝士無咁辣既...
不過佢係加芝士片+雞蛋,
唔通個差別就因為我加既係粉而唔係片裝芝士? 還是要加雞蛋?

好彩今次有牛奶助陣, 無上次咁辛苦

總結係佢加左芝士粉味道更好, 但芝士粉無助解辣
唔想咁辣都係落少D 辣醬


另外, 係超市見到新出既 三養辣雞炒麵, 寫住 2X SPICY
即係2倍辣, 嘩!!!!!!!!!
不過有朋友試完話差不多辣喎, 當然我唔會去求證啦.....

另外, 木下ゆうか 2個月前又去挑戰左2倍辣, 佩服...

沒有留言:

發佈留言