尖沙咀 WOW Burger

尖沙咀又多左一間burger shop, 科學館道14號新文華中心地舖
價錢中等, 同burger king差不多
選擇都唔少, 最特別係有個包
一個包, 可以自選2塊唔同肉類(雞, 豬, 魚)
我試左牛肉芝士漢堡, 唔錯
牛肉好厚, 不過唔多juicy
芝士唔係熔既狀態, 唔多抵
薯格唔掂, 唔建議+$7食
本來想試薯皮, 不過朋友唔食, 所以無試 =.="

都係覺得Fitness Burger好食d
WOW 同 Burger King 就差不多, 比m記好
mos都好, 不過份量少, 食wow , bk 好過
我心中排行 Fitness -> WOW = BK -> MOS

Hellsing OVA VII

第7集終於出啦
女警無雙, 削面都重現 (仲以為會cut添, 咁恐怖)
隊長死都死得型過人

下集應該係阿卡特開金手指啦, 期待

ヱヴァンゲリヲン Evagelion 新劇場版：破 2.0

完全無令人失望既作品
的確係破舊立新 , 好多野同以前真係大有分別
戰鬥場面非常精彩人物互相關係, 性格, 劇情都改左好多, 當係新故事都不為過
我睇完之後好想再去睇多次, 咁多年我未試過有電影睇完想即刻再睇, 但呢套做得到亦真係值得一睇再睇
以下係劇透, 未入場就咪睇

とある科学の超電磁砲

魔法禁書目錄外傳
御板美琴為主角
以科學角度講述故事
(禁書目錄就以魔法角度為主)

之前已經有睇開漫畫
感覺上比正傳更好睇
超電砲其實比正傳更適合動畫化
無左禁書果d 繁複既設定解說
令故事節奏明快得多

同漫畫有唔少出入
有好多原創劇情
不過原創劇情都好好
係OP見到某科學家
所以都唔洗擔心刪左漫畫劇情

IT - 了解辦公室電腦問題分類

做左一年it support有感而發
皆因近日俾d 人渣攪到好煩, 不吐不快
對於一d 電腦知識貧乏, 又唔肯學習既人真係非常討厭
世界係向前行, 唔會向後行
唔能夠一味話唔知/唔識, 就乜都要IT人做
講真, 請你番黎hea架?


廢話講完, 講下一般user 遇到IT問題有幾類
不過只係本人意見, 沒參考任何書本
錯左唔好插我, 因為我都係亂吹


1. 一般軟件問題
即係咩office使用問題, youtube睇唔到, outlook send唔到email, 等


2. 一般硬件間題
printer無野出, mon無野睇, 等


3. network問題
上唔到網, network好慢, 等


4. secuirty問題
中毒, 等


5. 特定軟件問題
AutoCAD, SPSS, Crystal Report, 等只有一類專家用既軟件


6. OS問題
開唔到機, 等


其實我唔係想user自己分類
而係想話俾大家知
其實任何一類, 其實都係一個IT細範疇


簡單d 講, 熟悉其中一範已經搵到食
尤其3,4,6, 好熟既話月薪4,5皮以上無難度
5既話, 其實係唔關it事
因為一定要做果行先至識
好似spss係統計學既軟件, it人係無可能教你, 因為佢地無讀統計學(相反, 學左仲做咩it人呀!)


所以唔好再妄想你公司收緊月薪幾千至一萬多少少既it support可以識哂咁多範
因為識哂果d 已經唔會做support,
做左system engineer, network engineer, security consultant等等人工高幾倍既工


而且有時解決唔到
同公司資源有好大關係
例如上網慢, 因為你個switch, firewall, isp都用緊平野
例如死data救唔到, 因為你公司無買recovery軟件, 又或者唔肯俾錢出面整(價錢講緊最平都過千以上)
例如printer成日jam紙, 因為printer老化, 又唔肯買新printer

DARKER THAN BLACK 流星の双子 - 第一集

終於有新一輯Darker Than Black
今次只有13集
不過唔緊要, 好睇就得啦

第一集就已經係咁發便當, 真係估唔到
上一輯既April 姐一集便玩完
個新契約者仲慘, 出半集就KO
黑哥做左變態叔, 希望之後會變返好

後段戰鬥雖然短, 但迫力十足
避子彈同落雨果度都做得好正


必睇

Hellsing OVA VI

女警GP-03D裝登場
橫掃千軍真係過引

大家樂 - 牛肉鐵板

擺明抄Pepper Lunch既牛肉鐵板
不過我都無咩所謂既, 如果好食既話

但實在係好唔掂呢
價錢已經唔係平過人地幾多
人家開價38(午市), 你開價35(午市)
平得人地$3

諗住你平過人, 牛肉多過人, 咁先吸引人
點知你大家樂牛肉份量同人地差不多
但牛肉質素就差人幾條街
飯又唔似 PL 落左牛油咁香
汁又得一杯仔, 人地PL 3種汁任羅架
PL宜家仲可以轉餐飲飯做湯
總之就剩係抄左人地個樣, 個內容就無抄


拿拿聲賺完第一水錢就摺左呢個餐
唔係第日蝕死你呀, 大家樂

好動畫回顧 - 天元突破

一出時都無睇呢套動畫
雖然好多討論大讚佢
但因為見到機設覺得好怪雞
d 機械人個身有塊面
所以無視

到最近朋友講先的起心肝去睇 (其實我朋友都無睇)
初頭幾集都覺得普通
但慢慢越睇越迷, 越睇越熱血
已經好耐無睇過咁熱血既動畫
上一套覺得熱血又岩自己口味既
已經係十年前既勇者王

動畫每戰能力不足就靠氣勢, 頑強意志力搭救打低對手
睇到你熱血沸驣
忍唔住要同主角叫加油

Code Geass 反叛的魯路修 R2 第25話(完結)

一個好Ending
亦係一個好sad既Ending


魯路修 最終都係選擇將全部罪名攬上身
然後叫 朱雀 扮 Zero 殺死佢
魯魯 臨死仲可以聽到愛人(誤?) 大叫愛佢
應該都死而無憾

不過結尾都留左好多想像空間俾觀眾
究竟 魯魯 係咪真係死左?
真係隨大家想像

我就覺得 魯魯 死左先係一個好結局
因為始終太多人直接間接俾佢害死
而且就算佢退隱生活
都可能因為種種理由再踏上修羅道 (記得佢第一集時都係為勢所迫而簽約)


魯魯 扮演一位偽惡人實在太出色了
佢果句 開鎗的人, 要有被殺 的覺悟
亦同第一季第一集黎個首尾呼應, 相當好
佢根本已經無戀世之心
對佢黎講死至係解脫
當局內人 (卡蓮 等人) 察覺 朱雀 扮 Zero 時已經太遲
一切黎得太快
朱雀 扮 Zero 亦可以令佢有贖罪既機會
但要用 朱雀 一生既幸運交換
好與唔好見仁見智
不過 朱雀 應該都好願意咁做

最慘係 娜娜莉
咩都得唔到
仲要無左最愛既哥哥


總結就係第二季比第一季無咁好睇
但結尾真係非常好
對第二季既不滿一掃而空
誠意推薦俾大家



P.S.:
其實有一樣不滿就係點解雜碎 扇 無死架?
仲可以做埋首相?
人生大贏家竟然係佢.......真係