旺角板前壽司

其實好耐之前已經想食
不過一係無人陪, 一係要排好耐, 所以都無緣一試
直到昨日先有機會去左旺角家樂商場1樓既板前壽司食晚飯
7點左右羅到飛, 等到8點半先入到

ASUS 華碩, 你去死啦

今日買左隻mouse, 本來諗住可以用
點知一返到屋企, 插極都插唔到落個ps/2位


原本以為插得唔岩位, 不過360度都試過都發覺唔得
唯有放棄, 心諗估唔到 Logitech 既 mouse QC 咁差


轉頭見到阿哥部電腦
心諗不如試一試
一插..........fix哂位, 完全無問題

原來有問題既係 ASUS 華碩 底板


之前用過 ASUS DVD ROM已經試過成日因為佢而 hang機
點知底板一樣咁差, 塊底板仲要係上年4月買既
因為之前隻mouse用usb, 所以ps/2 位係無用過
好明顯生產時已經係有問題啦


今日發誓, 以後唔會再買 ASUS 華碩 既所有物品
豈有此理!!!!!!!!!!!

終於搞完部新電腦

搞左3~4日, 終於大致上整好部新電腦
雖然仲有好多野要做 (裝新game, 裝software, 試下部dvd-ram)
不過最主要上網/windows/driver之類野都做好


但仲有一個大問題
就係個機箱大左, 張電腦抬擺唔落部新電腦入去
又要破費啦


搬部電腦已經覺得麻煩
宜家要搬電腦枱就更加....
(孤寒既我當然係自己搬啦 )

講完一堆廢話, 又要繼續去搞部腦啦, haha...

無得用電腦

昨日係屋企諗住用電腦做project
點知去到 login 畫面, 部機發出巨響
屋企跳電掣
之後就開唔到機啦

昨日天氣潮濕, 屋企濕度都接近100%
應該係隻火牛有水氣, 搞到壞左


電腦壞左唔重要
不過最驚個project d 資料無哂
雖然大部份data都upload左上網, 不過有一部份未upload
希望個hdd無事啦

其實部電腦都用左6年, 上年年頭已經想換
不過最衰我又孤寒
所以一拖再拖
終於玩殘自己

宜家都係用公司電腦上網
對於我呢個自閉仔黎講
無左電腦真係少左好多樂趣
而且無得做project........
本來已經唔係好多時間做, 自己又懶散又做得慢
宜家仲要搞d 咁既野
真係黑仔