 |
 |
所以搞到11點幾先出發去Richmond Hotel 擺低行李
Richmond Hotel搭地鐵去大國町站行幾分鐘就到
前面有間紅色柏菁歌店, 非常易認
係第二張圖Richmond招牌個方向右轉就見到間酒店了
酒店外觀就比較低調, 唔特登睇都唔會知佢係酒店
今日全日都係大阪市內活動, 所以用左大阪一日乘車卷
一日內可以無限搭地鐵, 巴士
其實日本地鐵售票機都有得賣
不過平日要800羊, 假日就600羊
點都唔夠EGL抵買
加稅後地鐵單程票價由180羊至370羊
所以550羊基本上3程必定回本, 如果係最貴票價2程就回本了
而且無限制平日定假日版, 去大阪旅行必買
(28/3 update: EGL唔用550羊賣出去, 依家要HK$60/張, 加價後比日本地鐵站買貴)
雖然知道無咩岩買, 但都忍唔住黎睇下
最後真係咩都唔岩買, 二手貨款少價錢貴
不過好多好舊既玩具, 20~30年前的都有, 所以想懷舊一番都可以去下
 |
 |
因為有D 動漫野佢先有
好似上面堆JOJO, 連梅田JUMP SHOP, 電電城都無
巨人入浴濟本來都想入番包
不過都係覺得150羊, 買野食好過
 |
 |
上年去果時係下午6點, 大部份都收左檔
所以今次下午2點幾就去了
不過D 野食一係唔岩食, 一係我覺得貴而無買
本來想買河豚乾, 但賣成1080羊一包真係太貴了....
普通茶漬180羊左右就有, 河豚茶漬要430羊. 而且我又唔知佢有幾多河豚成份....
最後咩都無買
大阪Jungle二手店
上年無去過, 今年上網見有人介紹先知道
好多ROBOT魂, 超合金魂, MACROSS, 聖衣玩具
我諗大部份玩具迷都會鍾意
見到ROBOT魂 W0, AEGIS GUNDAM幾平, 好想買
不過最想買既TV版W0變形原來要換件, 即刻放低.
AEGIS又唔可以變形, BANSHEE NORN又無
最後無買任何野, 可惜
睇黎下次有機會黎大阪我都唔洗特登去Mandarake, 去Jungle好了
裡面ROBOT魂少過Jungle好多, 模型就勁多
不過人大左無心機無時間砌, PASS
行埋BOOK OFF, ANIMATE行左2個鐘行完
最多野岩睇都係得Jungle
之後去左激安之殿堂掃貨
買左6000羊貨品
好似呢隻茶漬同我係超市賣係一樣價錢, 無標高價錢
而激安之殿堂買滿5000羊(不連稅)就可以退稅
所以係仲抵過係超市買
退稅好簡單
首先攞去普通COUNTER俾錢, 我用銀聯找數
然後去攞埋張單同貨, 連埋你既PASSPORT交俾退稅COUNTER
佢地就會同你搞架啦
計完數職員會有張退稅資料釘係PASSPORT度, 之後就會退番稅錢俾你
職員會問你要唔要分開幾多個袋裝
因為包好後, 未離開日本都唔可以拆開
所以我建議一定要分開包, 執行李都方便D
去機場離開日本, 過關前有個COUNTER
我地有責任將個退稅資料交去COUNTER
大國町Richmond Hotel 開左一年都未夠, 好多設備都好新淨
房間比我想像中大, 好簡單漂亮既設計
附近無咩高樓大廈, 窗外可以一覽無遺, 景觀比一般商務酒店好
好方便, 我個人物品擺係辦公枱
食野可以用小圓枱, 一邊食一邊睇電視
浴室SIZE睇落同之前既商務酒店差不多
不過浴缸就唔同了
終於有一間商務酒店浴缸坐落去可以伸直雙腳, 超正!!!
又想食炸雞, 今次去左Family Mart買
不過味道一般, LAWSON好食好多
酒店過對面馬路再行一小路徑就可以見到2間超市
一間係超級玉出, 一間係LIFE
2間價錢差不多, 一個走平民路線, 一間走高級D 既路線
用香港做比喻, 玉出就好似屋村既華潤超市, LIFE就似 TASTE超市
不過我想感受下日本平民買野, 所以去玉出
估唔到普通單人房都有42寸電視, 正!!!
好彩今日無買巨人入浴濟
入浴濟都唔平, 估唔到佢地咁大方, 又一讚!!
連咖啡都唔同D, 唔係即溶咖啡
拉開咖啡包放係杯面沖水就有杯黑咖啡了
因為黑咖啡, 所以會俾埋奶粉, 糖
可惜味道一般, 不過香港剩買一包咁既黑咖啡都要$5一包
又一讚
房內有WIFI, WIFI無密碼
速度24Mbps, 唔錯
我係JALAN 5個月前左右訂房, 係四連泊以上PLAN
28XXX連稅, 平均一日7000羊
JALAN評分為4.6, 係超高既評分
唔怪得之佢地話自己個集團連續7年排第一, 真係無吹水
咁既服務同價錢真係無得彈, CP值比之前既藍波酒店 (己改名為VIA INN心斎橋長堀通
)更高
絕對係我再去大阪住既首選
唯一缺點係地點較差吧
地鐵又無電梯/升降機直上地面, 搬行李都幾攞命
沒有留言:
發佈留言