UFO湖池屋香辣芝士味 and 香辣味撈麵

呢排迷上左撈麵, 所以買D 新野黎試下

呢隻UFO賣點係Crossover日清湖池屋激辣魔薯薯片

價錢唔記得,好似$10 一個

入面有, 麵餅, 調味粉, 乾菜包

唔知點解香港每隻牌子既撈麵都唔學日本撈麵咁, 用有窿既錫紙去方便倒水
硬係求其整個凹凸位去倒水
搞到好多時都會有少量麵條/乾菜倒左出去

講返正題
個麵既芝士香味好掂, 不過食落口就發覺芝士味唔濃厚

辣味係無既
個麵條就同其他UFO系列一樣

無出眾既芝士味, 又無辣味
感覺兩頭唔到岸, 不過不失啦

另一個就純粹香辣味
(上面2粒白色野係我自己加既雞肉)

今次辣味就足夠啦, 當然辣度就唔係好勁果隻啦


果種辣再配合UFO麵條, 我自己就食得幾爽
真係唔錯

結論係 香辣芝士味我就唔會再食
香辣味就可以一試再試
咁多隻平價香辣撈麵中($10或以下), 我自己就鍾意呢隻UFO香辣撈麵多過其他牌子
(三養係最好食的, 但又食得最痛苦, 所以唔算最鍾意/想食)