2008年7月24日星期四

Code Geass 反叛的魯路修 第一季




日本Sunrise動畫所製作的動畫作品
描述被不列顛帝國侵略而亡國的日本-11區中
立志粉碎帝國的黑色王子 魯路修
與堅持公理的白色騎士 朱雀 所掀起的巨大變化

當初因為覺得人設好少女漫畫feel
所以無視呢套野
但睇完第1集便覺得自己大錯特錯
竟然因為一d 小事而差d 錯失一套好動畫

主角 魯路修 係我中意既主角類型
聰明, 有膽色
最討厭果d 熱血但無腦, 或者懦弱無能力既主角
魯路修 同 Death Note 既 夜神月 差不多
不同之處只係 夜神月 係體能一樣好出色, 而 魯路修 體能卻差得很
第2係 夜神月 可以為自己連親人死都無感覺既人, 而 魯路修 仲有少少人性

至於另一個重要角色 樞木朱雀
一個好茅盾既角色
他想停止流血, 但自己卻參加軍隊
在第1, 2話時掃蕩反抗軍, 等於是間接地支援了帝國軍對日本平民進行的屠殺作戰

女角色方面最中意係 C.C.
估唔到有d 冷血既魔女最中意既野係 Pizza
而且係瘋狂地愛上, 為左食特大 Pizza 會以身犯險
對 魯路修 亦有一種好曖昧既關係, 最後可以做 魯路修 正室嗎?
第二係 夏麗
其餘女角就無咩大感覺

機設係未睇動畫前覺得麻麻
睇完動畫後就覺得都幾好
最中意 藤堂鏡志朗, Zero 果2部機

Geass 的能力唔係萬能
主角既能力係命令人做一個指令, 之後就唔可以向同一人發出指令
要直視對主眼睛先可以發動等等
後期 Geass 力量會無法關閉
主角因此要親手殺死被Geass影響的胞妹 尤菲米亞
真係睇到心痛

成個故事係第一季埋下左好多伏線
要到第二季先會解開
最深刻印象係 魯路修 Geass 暴走, 因為一句戲言搞到變大屠殺
仲有就係為左保護 夏麗 而用 Geass 令佢忘記自己
魯路修 身邊既女人都註定係不幸
所謂有得必有失吧