2008年9月29日星期一

Code Geass 反叛的魯路修 R2 第25話(完結)

一個好Ending
亦係一個好sad既Ending


魯路修 最終都係選擇將全部罪名攬上身
然後叫 朱雀 扮 Zero 殺死佢
魯魯 臨死仲可以聽到愛人(誤?) 大叫愛佢
應該都死而無憾

不過結尾都留左好多想像空間俾觀眾
究竟 魯魯 係咪真係死左?
真係隨大家想像

我就覺得 魯魯 死左先係一個好結局
因為始終太多人直接間接俾佢害死
而且就算佢退隱生活
都可能因為種種理由再踏上修羅道 (記得佢第一集時都係為勢所迫而簽約)


魯魯 扮演一位偽惡人實在太出色了
佢果句 開鎗的人, 要有被殺 的覺悟
亦同第一季第一集黎個首尾呼應, 相當好
佢根本已經無戀世之心
對佢黎講死至係解脫
當局內人 (卡蓮 等人) 察覺 朱雀 扮 Zero 時已經太遲
一切黎得太快
朱雀 扮 Zero 亦可以令佢有贖罪既機會
但要用 朱雀 一生既幸運交換
好與唔好見仁見智
不過 朱雀 應該都好願意咁做

最慘係 娜娜莉
咩都得唔到
仲要無左最愛既哥哥


總結就係第二季比第一季無咁好睇
但結尾真係非常好
對第二季既不滿一掃而空
誠意推薦俾大家



P.S.:
其實有一樣不滿就係點解雜碎 扇 無死架?
仲可以做埋首相?
人生大贏家竟然係佢.......真係

2008年9月14日星期日

Pepper Lunch @ APM


昨日lunch試左黑椒牛肉飯
$38連飲品
好食, $38食到個鐵板餐算係咁啦, 不過份量真係細左d(無論係飯同牛肉)


各位食之前記得睇下鋪頭前電視
影片係教大家點整個飯
因為每種飯處理方法都唔多同
尤其係比較貴果d 牛肉, 我諗大家都唔想d 牛肉比自己糟蹋架


我記得Lunch先有套餐
其餘時間無set套餐, 飲品應該要另加

下次有時間會試下貴d 既牛肉
點解話有時間先試?
因為昨日星期六下午12點左右唔算多人, 但都要等20分鐘
如果1點之後先去, 我諗最快都要等半粒鐘