匠 Mazter - 薑汁豚肉飯

新工工作地方比舊工多好多食店

今次試左呢間 匠 Mazter

主菜未黎先到左餐飲, 凍咖啡

口味普通

主菜到左, 薑汁豚肉飯

豚肉有淡淡既薑味, 對我黎講就無咩所謂

因為對薑並無咩興趣

講番個飯, 你見到密麻麻一片就知係用足料

亦加左好多配菜, 做到均衡飯食

但味道唔算突出 (因為係肉片關係, 任何食店我諗相差都不大吧)

主菜外, 仲有味噌湯, 漬物, 沙律

賣相同餐牌一樣, 唔會好似大X樂等, 相片只供參考

湯, 無咩配料, 普通貨色

沙律味道OK, 算新鮮

漬物, 唔岩我口味 (因為本身就唔中意食呢D 野)

連加一, $42, 用料足, 大男人食 LUNCH 夠有突

店員服務很好, 其實一D 都唔貴

(起碼好過去 味千 花四十幾蚊食一個無野飲無配菜既拉麵好多)

可惜, 實在係被十勝豚丼比下去

無論湯, 主菜都唔及十勝

不過附近黎講, 呢間算係其中一間最值得食既地方

下次會試下其他餐

我食果間做問卷調查, 做完會送個雪糕卷 (價值: $ 2X)

有限期係十日內

不過無再去食, 後來先知道原來個雪糕係幾出名, 蝕呀!!

但講番轉頭, 個餐實在好飽, 都好難再食埋個雪糕....