囮物语 - 讀後感(含劇透)

雖然知道西尾係一個狂人, 不過今次主角係我中意既乖乖妹撫子
應該唔會有咩大事情出現
應該係SHOW下撫子點可愛, 點倒追阿良良木

點知完全係預想以外

故事開始用倒序法寫, 係故事去到中後段既事
講述撫子興阿良良木互相撕殺........




你無睇錯, 我無寫錯, 係互殺

真係估佢唔到, 竟然一開波就咁衝擊
之後慢慢睇故事, 仲以為係撫子俾怪異操縱
又或者干脆話, 只係大家玩格鬥GAME等等

但更衝擊係, 的確係互殺
而且仲係撫子既個人意志
估唔到今集完全黑化撫子, 而且係同羽川果種黑化完全唔同層次
撫子黑化到想殺阿良良木, 戰場原, 小忍

故事講述因為之前撫子為解咒而殺蛇
之後被蛇神叫佢贖罪, 並幫神找回身體
蛇神化身成手環附係撫子手臂上

故事原本同之前幾本小說怪異事件都相似
但估唔到原來一齊都只係撫子妄想出黎
蛇神根本一開始就無附身, 手環亦只係同學示好送的普通飾物
所有既妄想, 行動亦只係令自己行動合理化既藉口

起因就在於撫子親眼見到阿良良木, 戰場原放閃光彈
之後就壞掉了

最後, 撫子變成美杜沙, 接近神既怪異
而且差D 可以殺哂, 阿良良木, 小忍
不過戰場原一個電話令佢2個暫時避過一劫
6個月後, 3人(仲有戰場原) 去同撫子決戰

小說無講結局, 但下期好似又講第二D 野
唔知下期會唔會出到結局? 還是最後一本小說先講埋?
阿良艮木就唔擔心, 但最怕撫子之後要永久退場

P.S.: 雖然知道阿良良木歷係妹控, 但估唔到月火都係兄控.....