TAKARA 變形金剛 Masterpiece MP22 馬格斯 開箱文

其實上年聖誕節後幾日已經入手左, 影左相
不過最近實在懶得打BLOG, 所以先搞到今日先POST
訂價$9XX, 抵

馬格斯其實大隻過柯柏文好多, 不過盒SIZE就只係大少少

訂野就會送銀仔, 對我黎講係可有可無

入面就係得咁多野

還原度真係好高
企起度好有氣勢

手指同柯柏文一樣, 拇指不可動, 食指可動
另外3隻手指痴埋一舊, 可動
馬格斯胸口太大, 所以2隻手臂都唔可以向胸口擺
擺到既姿勢有好大限制
不過哩個係原作設計問題, 非TAKARA問題

活動能力一如所料地差
大腿部只能向前擺少少, 小腿活動角度亦好有限

變形唔算複雜

拖頭可拆出黎

2個人仔可以放入去

同MP10B比較
前面, 側面幾似一模一樣

可以拆落黎變, 不過唔好以為分開變會易左
其實分開拖頭要變番上半身仲麻煩左

擺下官方圖姿勢
其實事實係如之前所講, 馬格斯胸口太大, 雙手根本唔可以放係胸前擺
所以係角度限定

記住核心係MP10B 柯柏文既, MP22係無附送核心的


核心可放入馬格斯胸口
而且同柯柏文唔同, 係出面都見到
COOL!!!!
 

同文哥高度比較
真係好鬼大隻!!!!

總結係講, $9XX大大隻幾抵玩

設計本身好正, 變形比想像中容易得多
機械人造型, 拖車造型還原度極高

可惜QC一如以往, 不過不失

全膠, 而且好多膠用料好差
附送人仔, 但唔附送核心, 用心充滿惡意(迫你買埋文哥)

不過我都強烈建議要買
大大隻擺係度都已經非常有氣勢