上年11月買既手信, 估唔到今日我都仲食緊
買得太多, 有D 係過期前幾日先食
今次買既手信同上次比, 得2個係重複
就係聖護院 八ツ橋, 東京香蕉, 之前都介紹過
今次就PASS啦
第1個介紹既係京都生八つ橋, 生八橋餅
不過買佢只不過因為果間野無聖護院朱古力八橋
外皮同聖護院差不多, 都好軟, 少少痴牙
朱古力內涵真係好香濃, 朱古力迷既我覺得好正
不過屋企人就唔多欣賞了
第2個係大阪朱古力蛋糕仔
細細件, 一啖一個
朱古力味一般, 蛋糕本身幾軟熟, 唔錯
好似700羊一盒
跟住係神戶芝士蛋糕
個蛋糕芝士其實幾細個, 比一個男人手掌大小小咁上下
好香芝士, 但不會太濃
質感非常軟滑而緊密
價錢好似1000羊, 食用期限好似半個月(?)
如果講抵食一定係老爺爺芝士蛋糕
價錢平D 又大個 D
要留意老爺爺食用期限只有2至3日 (即係少D 防腐劑, 健康D)
不過質感方面就鍾意神戶蛋糕較好
之後有哈密瓜乾
有D 酸, 少少甜, 哈密瓜香味就無乜
幾健康既小食, 唔錯
好似係300至400羊一包, 80克
哩個係Juchheim年輪蛋糕
好似又係神戶產的
得個DLG獎
睇落好大個好大盒, 不過唔好唔記得中間有個窿的
我諗實際大小可能同上面個芝士蛋糕差不多大
好似話juchheim出品共有14層, 不過我係數唔出...
最外層會加糖霜, 所以外面較甜
不過入面感覺唔夠香, 軟
咬落去一層層蛋糕感覺比較實, 不過年輪蛋糕都係比較實的吧
好似1500羊一盒
ROYCE朱古力薯片
ROYCE好受歡迎既出品
一直好想試佢, 不過都唔知咩原因一直無買
今次忍唔住終於買左
朱古力味普通, 薯片有少少咸
加起來總覺得怪怪地
我下次都係買番普通既ROYCE朱古力好了
無詳好講, 平淡得很
唔會再買
Pablo 黑珍珠朱古力餅
一盒8塊, 1300羊連稅,好貴
其實PABLO最出名應該係佢既芝士蛋糕
不過見到佢有朱古力餅忍唔住想試下
一塊都好大塊下, 我要食幾啖先食哂一塊
曲面朱古力餅香而不濃, 個餅本身真係好味
入面D奶油忌廉味道好淡
好食, 但以餅乾價錢真係太貴了....
唔知咩限定版士多啤梨芝士蛋糕KITKAT
無咩特別, KITKAT一件
士多啤梨味係有的, 芝士蛋糕味我就FELL唔到了...
應該係東京手信既黑雷神朱古力
關西機場有售
買佢純粹因為平, 600羊一盒, 一盒20條
不過估唔到出乎意料咁好食
派左俾幾個同事, 個個都話正, 屋企人都係讚不絕口
後來上網睇先知佢原來好出名, 我真係有眼不識泰山....
絕對係必買手信
沒有留言:
發佈留言