M記瑞士芝味, 惹火夏威夷足三両

最近M記出番足三両, 我最近又比較窮
所以咪食囉

瑞士芝味足三両餐 $36.X
惹火夏威夷足三両餐 $34.X

宜家M記D 盒真係越整越靚

先試價錢最貴既瑞士芝味

個包份量都頗大
芝士, 蘑菇都好足料
牛肉.......無黎味道

如果純粹想平平地食蘑菇 + 漢堡包係OK
當然唔好同OOO比啦

雖然塊肉唔掂, 不過有朋友話惹火夏威夷好正呀
我又忍唔住再去食

菠蘿當然係罐頭貨色啦
不過我就係鍾意食罐頭菠蘿

辣醬只係好輕微辣 (我本身已經唔算食得辣既人)
因為辣度太低, 惹味就唔覺啦
而且唔知M記員工孤寒定M記要員工孤寒, 辣醬只有好少
我諗辣醬覆蓋範圍連半塊肉都無
非常掃興

塊牛肉都係咁樣啦......

如果想食辣包應該都幾失望



總結, 2個包我都覺得好一般
塊牛肉得個厚字, 平淡無肉味, 唔JUICY, 失敗之最

瑞士芝味都叫做可以吸引蘑茹食客
但惹火夏威夷就肉又唔好食, 辣又唔夠辣, 無賣點可言
2個包我都唔會再試, 當然原味足三両更加唔會試