RG OO QAN[T] Gundam 量子型OO高達

已經N年無買模型
對上一次砌既模型已經係MG Unicorn Gundam

RG 系列一值都想試下, 因為價錢平, 又精細
不過出左既RG模型, 一係我已經有ROBOT魂/MG, 一係就我無興趣
咁岩上個月既OOQ 我無而我又幾喜歡既機體
所以一出即買

就咁睇唔係好多餅野
花左5日, 每日1至2個鐘左右先砌完
無上模型油, 無滲線, 只有接口位用指甲鋤修一修
只係最基本位置貼上貼紙

比例非常好, 面相接近動畫
之前ROBOT魂就係塊面好怪, 所以我先唔買

背面GN爐可以拆
不過非常極之困難先可以拆, 你砌完係一定唔會想拆個GN爐出黎

盾牌可轉去後面
盾內有1個GN爐

活動範圍極大

不過右手肩膀塊白色膠阻住左
白色膠設計上可以向上移動的, 不過可以向上移既範圍極少
令到右手活動範圍大減
左手無塊白色膠, 所以左手點擺位都無問題

除左活動範圍大
對腳既線條, 分件都非常之掂
接口位隱藏得好好

 盾牌完全唔駛加件裝GN BIT

GN BIT

GN劍 V (Rifle Mode)

GN劍 V 裝上GN BIT變成 Buster Rifle
完全唔需要加配件就可以變成 Buster Rifle, 非常好
ROBOT魂就要換中間把劍先可以砌到 Buster Rifle

RG模型附送小型透明座
透明座可以連埋 Buster Rifle, 方便擺姿勢

Buster Sword 非常巨大

唔用透明座都可以擺姿勢既
不過最多就擺到呢個姿勢

WELL, 真係型到爆炸
DETAIL位, 分件MG比更仔細, 更好
接口位隱藏得好好
絕對係素組玩家既恩物

不過砌時要小心, D 件實在太細件, 一唔小心就會彈走
彈走左真係有排先搵得番