早餐飲佢, 味道一般
OAKS 酒店CHECK OUT後搭地鐵黎到四橋既ORIX BLUEWAVE INN
由於未到CHECK IN時間, 所以我都只係黎擺低行李
總好過俾200~300 YEN 擺LOCKER
正門, 左邊有電梯
地鐵站可以黎呢度直接上黎酒店, 超方便
再左邊行過就係地鐵站入口
同理有升降機, 有行李就係呢度搭升降機啦
酒店係美國村附近, 行一陣就到
其中一間店舖, 除左少量動漫物品, 大部份賣生活品小飾物等
鼎鼎大名既ICE DOG店, 店鋪細少, 只有幾張枱
不過似乎好多人都係TAKE AWAY食
凍冰冰軟雪糕+新鮮炸熱騰騰熱狗包, 300 YEN
北海道牛奶軟雪糕本身已經好正, 再加埋個熱包
產生奇妙化學反應, 總之超正啦
果時咁岩有雜誌社取材影相
大阪Mandarake , 係西心斎橋, 其實又係美國村果頭
4層樓高, 係第一層既超合金魂, ROBOT魂, MACROSS 系列岩我
之後幾層睇完都無咩印象
之後去北極星食蛋包飯
入黎要除鞋放係LOCKER, MENU右邊係超大條的LOCKER鎖匙
LUNCH SET只要900 YEN, 有蛋包飯+味噌湯+2條腸+炸雞
入面係無椅子的, 你可以試下日本式正坐
不過入面既日本人都無正坐
離CHECK IN 仲有少少時間 , 心斎橋行下
呢度有間390 YEN店, 全部野390 YEN (未連稅)
買左個伸縮鎖匙扣
終於夠3點 CHECK IN
酒店每層升降機旁都有飲品機, 除左凍飲, 仲有熱咖啡
最抵讚係有製冰粒機
裝潢比OAKS好太多了, 床亦舒服好多
電視放在枱上太好了
一來唔洗抬高頭睇, 二來電視旁有椅子坐
OAKS枱離電視太遠, 要坐係床上抬頭睇
BLUEWAVE 浴室水龍頭同花灑分開
OAKS是連埋的, 即係只可以開花灑/水龍頭二揀一, 唔太方便
而最重要係BLUEWAVE花灑水溫唔會忽冷忽熱, 沖涼時舒服多了
有油濕機, 連杯都有2隻, 衣櫃有個小折架可以放行李箱上去
LAN線一插我個無線ROUTER就用得
4日 20400 YEN, 早28日預訂優惠一日5100 YEN, CP 值極高, 超值
日本電電城
因為又唔俾影相, 所以無咩可以俾大家睇
有一點真係不吐不快
成日有人將電電城比喻為大阪秋葉原, 其實根本無得比
電電城大部份店賣二手品, 種類少, 價錢唔見得平
連ANIMATE(只有4層)都無乜野賣
如果你係GUNDAM迷, 間GUNPLA都叫做值得睇下....
相反, 秋葉原係有好多香港無既新品賣呢, 二手野又平
最後真係無野買得落手, 咩都無買
另外仲有一點, 呢度好多三級AV碟店, 仲多過動漫店
如果有女仕同行真係唔好帶佢黎了
花左2個鐘係電電城, 之後去黑門市場
不為其他, 只係想食....
無錯, 我又食河豚
河豚刺身, 涼拌河豚皮, 右邊係冷盤唔知係乜 (口感似魚子, 河豚子?)
炸河豚肉, 超好食!!!
火煱, 有4~5件河豚肉
自己動手煮(上年東京食果間係職員幫我地煮)
煮完D 肉都好彈牙, 又係超正
最後又係湯飯, 當然又係超正, 2碗飯都食哂
埋單5500 YEN, 全行程最貴一餐 (二人食就10000 YEN)
如果再有機會都係要再食, 太正了
黑門市場有2間超市, 不過無咩岩買
我反而覺得南方間超市仲多野岩我食
2014年12月 更新
藍波酒店已被VIA INN收購, 改名為VIA INN心斎橋長堀通
價錢都俾大幅提高, CP值仲係咪咁好真係唔知了
不過JALAN評分就上升左
但我唔會住了, 宜家太貴了
沒有留言:
發佈留言