睇左2集, 真係好正
雖然無寫咁耐動畫, 但都忍唔住要再寫
第1集簡單介紹動畫背景
地球人上月球發現古代文明遺產Hyper Gate
本來係為人類移民火星開拓左通道
不過所有火星發現既古代遺產被Aldnoah霸佔
主角伊奈帆係一個普通學生, 過住普通平民生活
不過地球人上學都要學操縱機械人KG-6 神駒, 以備不時之需
但軍官孝一郎 覺得其實練習只係細路仔玩泥沙
根本毫無用處
另一方面, 火星人派第一公主親臨地球作友好外訪
不過到達地球後, 外訪團被飛彈襲擊
但主角對此非常冷靜....
最後公主死亡
其實襲擊是火星人自導自演
火星人以此為由快速入侵地球
火星要塞登陸城由外太空降落地球
高熱加上衝擊波, 地球城市被毀滅
第2集講地球軍好似時刻都備戰, 根本唔怕火星軍
不過事實係講就兇狠, 做就....
火星要塞登陸城將所有電纜, 人造衛星等通訊器材破壞
基本上地球軍已經輸左大半
另外, 地球軍武器完全對火星軍機械人Aldnoah無效, 高下立見
伊奈帆係避難時巧遇第一公主
原來公主係果日因身體不適無外出, 死既係替身
當然第一公主並無透露自己身份
但伊奈帆個樣似係已經知道
襲擊公主既人員以為可以返火星出人頭地
但被 NILOKERAS一野拍散
死剩拉葉一人
NILOKERAS 慢慢追趕拉葉
孝一郎等人以為NILOKERAS 襲擊地球平民而上前戰鬥
最後差不多全滅, 得由紀姐一人逃亡
由紀姐途中同伊奈帆既運輸車會合
不過好快被 NILOKERAS打低, 由紀姐暈倒
幸好由紀姐 KG-6 剛好跌係運輸車上
但 NILOKERAS依然追緊上黎
伊奈帆同學自以為英勇走出車外想救由紀姐
不過 NILOKERAS 追到運輸車
雖然伊奈帆臨尾捉住路人同學隻手
但最後同學仔都係飛左去Aldnoah度, 變成粒子....
奇怪係NILOKERAS追至隧道前停低
唔知係無能源 定 有弱點唔可以入去隧道
=======================================================
非常好睇, 劇情舖排緊湊
除左第1集開頭講述故事背景較悶外
第1集襲擊公主開始至第2集由頭到尾都絕無冷場
作畫非常好, 少有穿崩走樣畫面
有大製作品質
人物方面
主角係看透世事果重感覺, 冷靜得出奇
雖然路人同學死時, 伊奈帆都無咩反應
但佢上前救路人同學已經睇得出佢唔係冷血的
身為火星軍既地球人 斯萊恩 暫時無咩特別演出
但呢個角色被火星人討厭, 應該同時被地球人討厭
睇黎佢都係悲劇角色, 唔會有好下場
地球軍同火星軍實力相差極大
但宣傳, OP等都唔見有主角機
似乎主角唔會係用一部超班機同火星軍戰鬥
純粹靠戰術取勝 ??
另外, 睇左第1集先知原來係虛淵玄係故事原案
嘩!!! 愛之戰士又黎料啦
大獲, 睇黎第一公主第1集死唔去唔係好事....
另外, 澤野弘之做既音樂真係出色
第1集NEW ORLEANS被毀一段音樂勁正!!!!
另外, 作詞、作曲、編曲：梶浦由記 既OP亦非常之正斗!!
Aldnoah Zero 絕對係喜歡蘿白片既人必看之選
沒有留言:
發佈留言